اذيكم يا حبايب قلبي معاكم محمد عاشور عبد العاطي
ودي حكايتي هحكليهالك وهحكيلك عن كل شئ يخص المبادرة بتاعتي المستقلة وكل اللي عملتوا في خلال سنة
وهفهمك ليه كل ده وليه انا معنديش كيان وليه انا مستقل ومختلف
تعالا هحكيلك يا فندم تاريخ مبادرة دعم الكُتاب المٌستقلة
المرحلة الاولى....
اول شئ اتعمل يا فندم في سنة 2021 هو ان بروجكت مستقل يبدأ
والبداية كانت المبادرة لانها الأساس لكل اللي احنا فيه حاليا
هدف المبادرة كان اني اخش على بروفايلات لناس بتكتب واقرأ ليهم والمحتوى اللي هما كاتبينوا لو عجبني بسيبلهم كومنت وريأكت تشجيع ليهم واخش اكتبلهم مسدج برايفت فيها نظرتي لمحتواهم وتقيمي ليه في سبيل نشر البهجة وجبر الخواطر وتحفيز لكل الكُتاب اللي بيكتبوا حلو جدا ومحتواهم يستحق
واللي مكنتش بلاقيه بيكتب حلو كنت بسيبوا وفضلت اعمل كده لحد مانزلت بوست للمبادرة واشترك ناس معايا في جروب ماسينجر وبدأت ادور ع الكُتاب والحلو اعمل ذي ما قولت فوق واخد لينك البروفايل بتاع الكاتب وابعتوا لافراد المبادرة وهما كمان يعملوا ذي منا بعمل وتوالت الايام وبقى العدد كبير وبقت دي المبادرة بتاعتي المٌستقلة لدعم الكُتاب وبعد كده وقفتها
المرحلة التانية....
بدأت في جروب فيس عملتوا وسميتوا (كيان: دعم الكُتاب)
وبدأت اعمل مسابقات وكورسات لكل شئ وهكذا لحد ما وقفته خالص
المرحلة التالته
وبدأت مرحلة جديدة وهي اني اغير اسم الجروب من كيان دعم الكُتاب الى
(العائلة المٌستقلة) وكانت دي يا باشا النقطة الاهم لاني بأسس عيلة مستقلة لازم يكونوا عارفين بعض وعارفيني كويس واعلمهم و اوعيهم واعرفهم كل الاخطاء اللي بتقابلهم وازاي يحلوها وهكذا ولكن كان لازم مصدر دعم ليهم وكان هو اني عملتلهم جريدة على جوجل بأسمهم (جريدة العائلة المٌستقلة) ويتعمل معاهم لقاء صحفي وكتابتهم تنزل عليها وبدأت بعد الجريدة في....
المرحلة الرابعه
تصميم ابليكيشن بأسم (العائلة المٌستقلة) عشان يكون تكملة للعائلة مع جريدتهم
المرحلة الرابعه
كانت تصميم دار نشر الكتروني مستقلة بأسم (دار المٌستقلين لنشر الكتب إلكترونيًا)
ودي تكونلهم ليهم بس اللي يحب يعمل كتاب الكتروني بمختلف انواعه بدون قيود او تحكمات
المرحلة الخامسة
بدأت اشتغل حبة في تقييم المحتوى واصدار شهادة قيمة المحتوى للي بيكتبوا حلو ومحتواهم هادف ويستحق
واعلمهم وافهمهم يكتبوا محتوى قوي ازاي وينسقوه ازاي
المرحلة السادسة.......
بدأت انقل العيلة الفعليه المستقلة اللي اتأسست صح وفهمت الدنيا لمرحلتهم الجديدة
والمرحلة الجديدة اللي احنا فيها
واللي بسببها انتا بتقرأ تاريخي وتاريخ مبادرتي
مرحلة دلوقتي هي ان يا فندم بقينا مجتمع مستقل
بمعنى اصح مجتمع المٌستقلين
ده جروب فيس
هيتنشر فيه تحديات كتابة على نظام وشروط اساسيه لا يقبل بأن تخالفها ولا يتعداها احد
لان حضرتك هيبقى كل شغلي على اني اخلي كل شخص يقدم محتوى متكامل ومبني صح وكويس
واللي هيفوز هيتنشرلوا محتواه الكتابي في....
جريدة المجتمع المٌستقل (العائلة المٌستقلة سابقا)
لان غيرت اسمها للمجتمع لتكملة المجتمع ولأن كل اللي هيتنشر على الجريدة هيكون نتيجة تعب وتفكير في كتابة محتوى يخصك انتا مش مجرد نشر اي شئ وطبعا اللي هيتنشر على الجريدة هينزل على....
ابليكيشين المٌستقلين (العائلة المٌستقلة سابقا)
لان الاسم اتغير لتكملة المجتمع برضوا
وطبعا كل فرد في المجتمع اصبح عندوا
جريدة ودار نشر الكتروني وابليكيشن
محتواك كويس ويستحق هيتنشر في جروب الفيس والجريدة والابليكيشن
كل الكتابات لازم تكون عن موضوع جديد بطرق جديدة
الكلام ده كتير فعلا لكن والله ما يوصف ربع مجهودي وتعبي عشان اعمل تاريخ مستقل ومجتمع بالاساسيات دي طولت عليكم حبتين لكن كان لازم اكتبلكم التاريخ وكل اللي قدرت اعملوا في سنة كاملة الا شوية صغيرين
وبالمناسبة الناس اللي بدماغ مربعة ومتعرفنيش ومتعاملتش معايا عرفتوا ليه ان انا معنديش كيان وان صعب كل ده يكون في كيان وعلى العموم تاريخنا بيتكلم عننا
وبكده يا باشا
مجتمع المٌستقلين (جروب فيس) +(جروب واتس)
جريدة المجتمع المٌستقل (على بحث جوجل و متوثقة)
ابليكيشن اندرويد اسموا (المٌستقلين)
دار المٌستقلين لنشر الكتب إلكترونيًا (على بحث جوجل و موثقة كمان)
وبكده المجتمع اتبنى والشغل كل فترة عشان نقدم المٌستقلين في اعظم صورة تمثلهم
طولت عليكم لكن التاريخ كبير وبمجهود عظيم.
احبابي في الله اتمنالكم ايام لطيفة
المجتمع المستقل تاريخ هادف يسعى الى التميز والاستقلال التام
متنسوش اني خارج وسط الكتابة لانوا من ساعة ما رجعت وانا بأسس مجتمع عشان يكون متكامل واهو اكتمل بكل المراحل واشكرك لو قرأت للاخر متنساش تسيبلي رأيك وانتقادك واقتراحك ف الكومنتات
*
مجتمع الكُتاب المٌستقلين
(مبادرة دعم الكُتاب المٌستقلة)
اذا كنت كاتب/ة شاعر/ة يمكنك الأنضمام لمجتمعنا المٌستقل ذو الأفكار والأهداف المٌستقلة
اذا وددت الانضمام تواصل مع المؤسس
https://wsend.co/201143440127
التصنيفات :
مقالات
